پەیاما هاوسەروکێ رێکخراوا سەوزا ئەوروپی کوردستانی
کوردستانیێن هێژا ، پەیامامە ژبوو ھەموو گەلێ مەیێ کوردستانی خوە ب پارێزن. وەکی دیار ئێرشەکا ڤایروسی یا نوو ب ناڤێ ڤایروسێ کۆڕۆنا (COVID-19) لسەر تەڤاھیا مروڤایەتی ھاتیە، کو ھەیا نھا دیتنا چارەسەریێ نەبویە، بتەنێ ڕێگریێن ھەین. دیسان چەندین وەڵات یێن د ھەولدانان دا ژبوو ڤەدیتنا ڤاکسینەکێ ژبوو چارەسەریا ڤێ نەخوشیا ڤایروسی مینا ئەلمانیا ئەمریکا فرەنسا و چین.. بتەنێ ڕێگری لبەر سنگێ مەیە کو خۆە ژ ڤی ڤایروسی دوور راگرین، ژ وان ڕێگریان دڤێت گەلێ مە خوە و جڤاکێ مە ب پارێزن و پاقژیا سەروبەرێ خوە بکەن، بەرپرساتیا یەکەمین ب ستویێ خوەڤە بگرن و ژمالێن خوە دەرنەکەڤن، ژبەرکو ئەگەر جڤاک ب حکومەت و لیژنەیێن تەندروستی ڤە ھەڤکار نەبیتن، ڤایروسا کۆڕۆنا دێ سەرکەفتنێ ب سەر مروڤایەتیێ ئینیت و قرکرنێ دێ دەست پێکەتن. دیسان داخوازێ ژ حکومەتا ھەرێمێ و لیژنەیا ڕو ب ڕو بونا نەخوەشیا ڤایروسێ کۆڕۆنایێ دکەین یەکینەیێن تەندروستی چێبکەن، و ل ھەر جھەکی کو نێزیکی نەخوشخانەیێ نەبن چارەسەریێن لەزگین وەرگرن ھەیا دگەھینن نەخوەشخانەیێ، دیسان حکومەتا ھەرێما کوردستانێ باشتر لسەر کاربکەت و رێکارێن باشتر بگرنە بەر ژبەرکو ئەڤ نەخوشیە نەخوشیەک ڤەگر و بەلاڤە و ترسناکە، نە ئول مەزھەب نەتەو ڕەگەز فەقیر و ھەژار و بەرپرسان ناسناکەت بێ جوداھی توش دبن.. دیسان داخوازێ ژ ھەموو گەلێ مە دکەین کو دڤێ ڕەوشا ھەستیار دا ھەڤکارێن ھەڤدوو بن ب ڕێیا ئابوری تایبەت. داویێ داخوازا سلامەتی و تەندروستیێ ژبوو ھەموو مروڤاتیێ دخوازین، سەرکەفتن بەھرا مە ھەمیان بیت..