تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

نڤیسین و ئامادەکردن : ژیان یاسین نەبی

ئەو كچا سویدی چالاكڤانا نێڤ دەولەتی یا تەمەن هەڤدە سالی بنیاسە گرێتا تونبێرگ ل دایك بوویا 3/1/2003 ل ستوكهولم ل دایك بوویە , ئێكەم كچا سنێلە یە كو شیایە سەرنجا هەمی دونیایێ‌ بوخو بكێشیت و ناڤدار ببیت ل جهێن گرنگێن خودان بریارێن مینا ئێكەتیا نەتەوێن هەڤگرتیو پەرلەمانێ‌ ئەوروپی و سویدی , هەروەسا بویە میناكەك ژ بو هەمی چالاكڤانێن كاردكەن دبوارێ‌ ژینگە پارێزی و مافێ‌ مروڤا . ل سالا 2019 گوڤارا تایم یا ئەمریكی گرێتا دا نیاسین وەك بچووكترین و كێم تەمەنترین كەسایەتیا ب ناڤ و دەنگ یا سالا 2019 ێ‌ . گرێتا كچا ستران بێژا سویدی یا ئوپرای ( میلینا ئیرنمن ) و بابێ‌ وێ‌ ئەكتەرێ‌ بەرنیا (سفانتی تونبێرگ ) , ل دیسەمبەرا 2018 تووشی هندەك نەخوشیێن دەرونیێن سڤك بوو و بو ئێك ژ پارێزەر و حەژێكەرا پاراستنا ژینگەها دونیایێ‌ و ئێكەم بریارا دای ئەو بو كو ببیتە گیا خور و گوشتی نەخوت و بایكوتا فروكا و سیاربوونا فروكا بكەتن . ل 20 ی ئوگستا 2018 بریار دا خواندنا خوە بهێلیت و بو ماوەیەكێ‌ و مانگرتنێ‌ بكەتن ل بەردەرگەهێ‌ پەرلەمانێ‌ سوید ل دەرئەنجامێ‌ ئاگر بەربونا دارستانێنن سوید و كێم خەمیا حكومەتا سوید بو پێگری كرن ل بریارێ‌ پروتوكولا پاریس ژ بو پاراستنا ژینگەهێ‌ , و روژانە ل دەمێ‌ كاركرنا پەرلەمانی ئەو ل بەردەرگەهێ‌ پەرلەمانی دراوستیا و دروشمێ‌ ( بایكوتا قوتابخانێ‌ ژ بو ژینگەهێ‌ ) هەلدگرت . روژ بو روژ ئەڤ بابەتە بو روژەڤا تورێن كومەلایەتی و سەرنجا پرانیا وەلاتێن جیهانێ‌ بو خو كێشا , تا یەكەم خوپیشاندان ل گەلەك باژێرێن سوید هاتە كرن كو نزیكی 20000 بیست هزار زاروك و سنێلە بەژداربوون . ل ئوگستا 2019 ب رێیا دەریایی ب پاپورەكا كو ب هێزا روژێ‌ كاردكەتن بكارئینا بو گەشتا خو , هەلبەت ئەڤ گەشتە ژ بو بەژداریكرنێ‌ بو ل كوپیتكا یەكێتیا نەتەوێن هەڤگرتی كو تایبەت بو لسەر پرسا ژینگەهێ‌ و پەیاما هەرە گرنگا گرێتا تونبێرگ لسەر چوار تەوەرا بو : مروڤایەتی د قەیرانا ناڤچوونێ‌ دایە ژ ئەگەرێ‌ ژینگەهێ‌ ئەڤ نڤشێ‌ ب تەمەن ئەو بەرپرسن ژ تێكچوونا ژینگەهێ‌ ئەوا ئەم دكەین كارەكێ‌ بچویكە و دا لخوە بزڤرن و سەرەدەریێ‌ دگەل ڤێ‌ پرسێ‌ بكەن هەروەسا داخاز ژ سیاسەتمەدارێن ل دەستهەلاتێدا كر رێز ل شیرەت و راسپاردێن زانایێن دبوارێ‌ ژینگەهێ‌ دا بگرن . دیسان بەژداری خوپیشاندانەكێ‌ دا كر لژێر ناڤێ‌ ( سەرهلدان ژ پێخەمەت ژینگە هێ‌ ) ل دەرڤەی پەرلەمانێ‌ ئەوروپا ل بروكسل ل ئوكتوبەرا 2018 تونبێرگ دگەل خێزانا خو گەشتەك كر بو لەندەن ب رێیا ترومبێلەكا كەهرەبایی , و لوێرێ‌ پەیامەك خواند ( راگەهاندا دژایەتی كرنێ‌ ) ئەوا هاتیە حازركرن ژ بو دژایەتیكرنا بنبركرنا ئەنجومەنێ‌ پەرلەمانی , ل 24 ی نوڤەمبەرا 2018 ل تیدیكس ستوكهولم دەركەفت و لسەر هەسستپێكرن و زانینا خو ئاخفت دەمێ‌ ژیێ‌ وێ‌ هەشت سال و وێ‌ پسیاردكر كا بوچی گهورینا كەش و هەوایی نەبویە بابەتەكێ‌ گرنگێ‌ روژەڤێ‌ د گەشتێن نووچەیان دا ناهێتە بحسكرن ددەمەكێ‌ دا كو بابەتەكێ‌ گرنگە , . ئەڤ هەولێن ڤێ‌ كچا سنێلە و چەندین چالاكیێن دی یێن جوراوجور ژ پێخەمەت پاراستنا ژینگەهێ‌ بو و پتر ژ لایەنێن بەرپرس هەست ب ئازارا گویا زەمینێ‌ دكر . هەروەكی شەرێ‌ جیهانیە یێ‌ بەردەوام . ئەڤێ‌ كچا سنێلە بریار دا نەچیتە قوتابخانێ‌ دا ببیتە زانایا بوارێ‌ كەش و هەوایی هەروەكی گەلەك كەس پێشنیاردكەن , گرێتا تونبێرگ پەیامەك گوت ل لوتكەیا گهورینا كەش و هەوایی یا نەتەوێن هەڤگرتی ل 4 ی دیسەمبەرا 2018 و دیسا بەرامبەر كومكارا گشتی یا ل 12 ی دیسەمبەرا 2018 و 23 ی ژانیوەری 2019 گەهشتە كونگرێ‌ داڤوس یێ‌ ئابوری و جیهانی و وێ‌ رەتكر ب فروكێ‌ بچیت لەوا بریار دا ب شەمەندەفرێ‌ بچیت برێكا 32 دەمژمێرا , بەروڤاژی بەژداربوویێن دی . بەشەك ژ خەلات و رێزلێنانێن رێتا تونبێرگ : د بەریكانا نڤیسینا گوتارادا ل روژناما (سفینسكا داگبلات ل دوور سەقای ئێك بو ژ سەركەفتیا , لسالا2018 هاتە بەربژێركرن بو خەلاتێ‌ كومپانیا ( تیلگا ئنیرجیز ) یا كارەبێ‌ بەلێ‌ وێ‌ رەتكر چونكە ئەو كەسێ‌ خەلات وەردگرت دا چیتە گەشتەكا ب فروكێ‌ بو ستوكهولمێ‌ , ل 2018 دیسا دەرفەتا ( فرایشوست ) بو گەنجێن نمووەنە بدەست كەفت , هەروەسا گوڤارا تایم سونبرج گرێتا تونبێرگ هەلبژارت وەك ئێك ژ وان 25 سنێلێن 2018 یێن خودان شیان ل جیهانێ‌ . ژیانا گرێتا تونبێرگ یا پرە ژ دەستڤەئینان مروڤایەتی چونكە ئەو بابەتێ‌ كارلسەر دكەت ب شێوەكێ‌ راستەوخو كارتێكرن یا هەیی لسەر ژیانا مە هەمیا , گرێتا تونبێرگ نوكە كاردكەت وەك راوێژكارا خوبەخش ل رێكخراوا ( WDHT ) و وێ‌ دا دیاركرن كو ئەو بەشەك نینە ژ چ رێكخراوا و یا سەربەخویە و هەر كارەكێ‌ دكەتن خوبەخشیە .
نوکە تێتە بەرنیاس بون وەک زانایەک د بوارێ ژینگەهێ وە نڤیسەرەکا سەرەنج راکێش و قوتابیەکا ب بریار و خودان هەلوێست ، دوماهیک خەلات و پلێن بدەست خوڤە ئیناین ل سالا 2019 وە 2020 :
1/ کەسایەتیا سالا 2019 ( Person of the Year ) ژ بو وان کەسانە کو کارتێکرنا خو هەبیت ل سەر روژەڤان .
2 / دکتورا فەخری ل سالا 2019 ل زانکویەکا هه ره ب ناڤ و دەنگ ل ئەلمانیا .
3/ بالیوزا وژدانا بەرز یا سالا 2019 ، ئەڤ خەلاتە ژ لایێ رێکخراوا لێبوردنا نێڤ دەولی ژ بو مافێن مروڤا تێتە پێشکێش کرن ژ بو وان کەسێن سەرکردێن بتەنهایی هەڤرکی دگەل کێشێن مەترسیدارێ جیهانێ کرین .
4/ خه لاتا باشترین 100 ژنا یا بی بی سی ، ئەڤ خەلاتە ل سالا 2013 هاتیە دیار کرن ژ بو وان ژنێن داکوکیێ ل سەر مافێن خو دکەن .
5/ خەلاتا رایت لیفیلهود Right Livelihood Award دبێژنە وێ خەلاتێ بەدیلا خەلاتا نوبل ، ئەڤ خەلاتە ژ خەلاتێن هەرە مەزن تێنە ناساندن ، ژ بو مافی مروڤ و ژینگە و ئاشتی و تەندروستی و پەروەردە .
#greta_thunberg

مقالات

Default Image

المستقبل للدول غير المتقاعسة مناخياً

المصادقة على اتفاقية باريس حول تغيّر المناخ تؤشّر إلى عصر جديد، تحكمه قواعد مختلفة عما كان سائداً من قبل. قبل مؤتمر باريس العام الماضي، كان البعض يراهن على أن الاتفاق لن يحصل، والنتيجة كانت توقيع مئتي دولة، بما فيها الملوثان الأكبران الولايات المتحدة والصين.…

دستور اقليم كردستان باللغة الكردية

الإعلان العالمي لحقوق الإنسان

دستور اقليم كردستان باللغة العربية

Go to top